नमस्कार IBN न्युज मराठी पोर्टल वर आपले स्वागत आहे इथे तुम्हाला नेहमीच ताज्या बातम्या बद्दल नेहमी माहिती दिली जाते बातम्या आणि जाहिरातीसाठी संपर्क करा 7620000006 / 8484040004 तसेच आमचे यूट्यूब चैनल ला सबस्क्राईब करा व फेसबुक पेजला लाईक करा एनएसएफडीसी’च्या शिष्टमंडळाची बार्टी संस्थेस भेट अनुसूचित जातीच्या उत्थानासाठी बार्टीचे काम मार्गदर्शक- रजनीश कुमार जेनेव – IBN NEWS MARATHI

IBN NEWS MARATHI

Latest Online Breaking News

एनएसएफडीसी’च्या शिष्टमंडळाची बार्टी संस्थेस भेट अनुसूचित जातीच्या उत्थानासाठी बार्टीचे काम मार्गदर्शक- रजनीश कुमार जेनेव

😊 कृपया इस न्यूज को शेयर करें😊

फिरोज शेख संपादक पुणे जिल्हा

पुणे दि. ९: राष्ट्रीय अनुसूचित जाती वित्त व विकास महामंडळ भारत सरकारच्या (एनएसएफडीसी) शिष्टमंडळाने सोमवारी डॉ. बाबासाहेब आंबेडकर संशोधन व प्रशिक्षण संस्थेला (बार्टी) भेट दिली.

शिष्टमंडळात एनएसएफडीसीचे अध्यक्ष व व्यवस्थापकीय संचालक रजनीश कुमार जेनेव, मुख्य महाव्यवस्थापक सी. रमेश राव, चर्मोद्योग विकास महामंडळाचे व्यवस्थापकीय संचालक तथा एनएसएफडीसीचे सदस्य धम्मज्योती गजभिये यांचा समावेश होता.

बार्टीचे महासंचालक सुनील वारे यांनी शिष्टमंडळातील सदस्यांचे डॉ. बाबासाहेब आंबेडकर यांची प्रतिमा, भारताचे संविधान, ‘द प्रॉब्लेम ऑफ रुपी’ हा ग्रंथ भेट देऊन स्वागत केले. श्री. गजभिये यांची राष्ट्रीय अनुसूचित जाती वित्तीय विकास महामंडळाच्या सदस्यपदी नियुक्ती झाल्याबद्दल बार्टीच्यावतीने अभिनंदन करून पुढील कार्यास शुभेच्छा दिल्या.

त्यांनी श्री. वारे यांनी शिष्टमंडळास बार्टी संस्थेच्या विविध योजनांची माहिती दिली. यामध्ये बार्टीतर्फे भारताचे संविधान, महापुरुषांच्या जीवनावरील पुस्तकांचे अल्प दरात वितरण, कौशल्य विकास, युपीएससी, एमपीएससी, आयबीपीएस परीक्षांचे अनुसूचित जातीच्या विद्यार्थ्यांना प्रशिक्षण आदी उपक्रम राबविण्यात येत असल्याचे त्यांनी सांगितले.

राष्ट्रीय अनुसूचित जाती वित्त व विकास महामंडळ देशातील अनुसूचित जातीच्या विकासासाठी महामंडळांना निधी उपलब्ध करून देण्याचे महत्त्वपूर्ण काम करत असल्याचे सांगून श्री. जेनेव म्हणाले, महामंडळ कौशल्य विकास प्रशिक्षण, फेलोशिप, डॉ.बाबासाहेब आंबेडकर यांच्या ऐतिहासिक वास्तूचे जतन आदी क्षेत्रात देशभर कार्य करत आहे. बार्टी ही अनुसूचित जातीच्या उत्थानासाठी काम करणारी अत्यंत महत्त्वपूर्ण संस्था असल्याचे सांगून त्यांनी बार्टीच्या कामांची प्रशंसा केली. बार्टीसारख्या संस्था देशातील अन्य राज्यात उभारण्यात याव्यात, असे मत त्यांनी व्यक्त केले.

श्री.गजभिये म्हणाले, अनुसूचित जातीच्या प्रत्येक प्रश्नावर काम करण्याची क्षमता बार्टी संस्थेमध्ये आहे. बार्टी संस्थेचा महासंचालक म्हणून काम करण्याचा अनुभव असल्याने एनएसएफडीसीचा सदस्य म्हणून बार्टी संस्थेला आवश्यक ते सहकार्य करण्यात येईल असे त्यांनी सांगितले.

एनएसएफडीसी आणि बार्टी लवकरच एकत्रितपणे काम करणार असल्याचे यावेळी सांगण्यात आले. शिष्टमंडळाने बार्टी ग्रंथालयातील स्पर्धा परीक्षांचा अभ्यास करणाऱ्या विद्यार्थ्यांशी संवाद साधून त्यांना मार्गदर्शन केले.

यावेळी विभागप्रमुख रविन्द्र कदम, वृषाली शिंदे, शुभांगी पाटील यांच्यासह बार्टी संस्थेतील अधिकारी व कर्मचारी उपस्थित होते.

Whatsapp बटन दबा कर इस न्यूज को शेयर जरूर करें 

Advertising Space


स्वतंत्र और सच्ची पत्रकारिता के लिए ज़रूरी है कि वो कॉरपोरेट और राजनैतिक नियंत्रण से मुक्त हो। ऐसा तभी संभव है जब जनता आगे आए और सहयोग करे.

Donate Now

लाइव कैलेंडर

June 2024
M T W T F S S
 12
3456789
10111213141516
17181920212223
24252627282930